Kjarkleysi meirihuta bæjarráðs Fjarðabyggðar

Á bæjarstjórnarfundi  6. Nóvember sl. lagði bæjarstjórnarflokkur Sjálfstæðisflokksins fram eftirfarandi tillögu:

            Bæjarfulltrúar Sjálfstæðisflokksins leggja til að bæjarfulltrúar gefi eftir laun sín frá 1. janúar 2009 til 30. júní 2009 og að bæjarráð lækki sín laun sín niður í laun bæjarfulltrúa fyrir sama tímabil.Einnig hvetjum við allar nefndir á vegum sveitarfélagsins að gera slíkt hið sama.Ennfremur leggjum við til að farið verði í alvarlegan niðurskurð hjá yfirstjórn Fjarðabyggðar í sérfræði- ferða- og launakostnaði.Yfirstjórn Fjarðabyggðar verður að ganga fram með góðu fordæmi og byrja á að líta í eigin barm áður en hækkaðar eru álögur á íbúa og þjónusta minnkuð.” 

 

Bæjarstjórn samþykkti að senda tillöguna til umræðu í bæjarráði sem fram fór svo í morgun. Þar var tillagan loks feld. Meirihluti Fjarðalista og Framsóknar treysti sér ekki til að styðja þessa annars mjög góður tillögu, og ég verð að viðurkenna að það er mér hulin ráðgáta hvers vegna.

Hér er um að ræða að bæjarstjórnarmenn hefðu gegnið fram með góðu fordæmi á erfiðum tímum og sýnt bæjarbúum svo ekki væri um villst að þeir tækju á sig hluta þess niðurskurðar sem ljóst er að verður í bæjarfélaginu okkar á næstunni. Mörkuð hefði verið ákveðin stefna í því hvernig taka skal á málum sem hefði getað verið öðrum til eftirbreytni. En það er greinilegt að hugur meirihlutans stendur ekki til þess....

Í staðin var lagði meirihlutinn fram tillögu sem var samþykkt. Tillaga sem í raun felur lítið annað í  sér en orðagjálfur. Þar er ekkert sagt, ekki tekið á neinu. Eftir stendur gagnslaus fyrirheit um eitthvað sem ekkert segir og enginn skilur.. Allt skilið eftir opið, og boltinn gefin upp með það að menn séu jú tilbúnir að skera niður.... bara ekki hjá okkur.

Þetta olli mér vonbrigðum, miklum vonbrigðum.

Þungt högg..

Þetta eru alls ekki góðar fréttir. Ljóst að þetta mjög þungt högg fyrir atvinnulífið á héraði. Þær sögu hafa samt flogið undanfarin 2 ár, að Malavinnslan hafi verið í miklum erfiðleikum. Af og til hafa komið fram sögur um það að gjaldrot blasi við og að fyrirtækið hafi verið illa rekið. Hvað var hæft í því ætla ég ekki að dæma um, enda hef ég engar forsendur til þess. En maður hlýtur þó að spyrja sig hver staða Kaupfélags Héraðsbúa sé eftir þetta, en kaupfélagið var eigandi Malavinnsluna. Þetta hlýtur að vera kjaftshögg, ef ekki rotthögg fyrir Kaupfélagið?

Gjaldþrotabeiðni Malarvinnslunnar samþykkt

Hrædd þjóð....

Ýmislegt hefur gengið á síðan ég lét síðast eitthvað eftir mig liggja á þessari síðu. Er greinilega ekkert svakalegt efni í  ofurbloggara...

En eins og áður sagði hefur margt gengið á. Ekki ætla ég að státa mig af því að skilja það allt. Ég hef þó reynt að fylgjast vel með, setja mig að einhverju leyti inni í málin eftir því sem kostur er.

Eitt er það sem hefur vakið athygli mína umfram annað undanfarna daga. Það er sú mikil reiði sem er grasserandi í samfélaginu, og að mörgu leyti skiljanlegt. Menn hafa tapað í sumum tilfellu miklum peningum og eru hræddir um sína stöðu. Þessi reiði hefur kannski helst brotist út í því að menn ganga nú um með hrópum og köllum, heimta að hausar verði látnir fjúka, blóðið renni og hinn og þessi axli ábyrgð á gjörðum sínum. Gjörðum sem menn telja að hafi valdið því að svo er komið. Gamlir stjórnmálaforingjar hafa farið fyrir hópi mótmælenda og krafist þess að ráðamenn þjóðarinnar læri að skammast sín og fólk segi af sér.

Mér þykja þessi viðbrögð bera að mörgu leyti keim af því að þjóðin er hrædd, líkt og hún sé að fara á taugum. Það er komið upp einhverskonar ofsahræðslu ástand, sem fjölmiðlamenn eru  oft á tíðum duglegir að kynda hressilega undir. Hræðslan er að brjótast út í reiði og heift. En er það að skila okkur einhverju. Góður maður benti mér á ágæta samlíkingu um helgina:  Þjóðaskútan er stödd í miklum ólgusjó, það er kominn leki og við sem erum farþegar í skútunni ákveðum, í  stað þess að fara ausa, að ráðast á skipstjórann og hans aðstoðarmenn. Það kann aldrei góðri lukku að stýra. Það allra síðasta sem íslensk þjóð þarf á að halda núna er að hér verði einhvers konar panik ástand. Við þurfum á æðruleysi og staðfestu að halda. Við þurfum öll sem eitt að leggjast á árarnar og koma okkur út úr þeim öldudal sem við erum í. Ef við gerum það ekki er hætt á að skipið leggist endanlega á hliðina, og komist ekki í höfn. Það ef eitthvað sem engin vill. Róum okkur nú aðeins niður, teljum upp að tíu og drekkum kalt vatn. Það er unnið að því dag og nótt að koma okkur á réttan kjöl, og við þurfum öll að hjálpa til við það. Ekki bara standa einhverstaðar og hrópa að hinir og þessir þurfi að axla ábyrgð, allir aðrir en við sjálf. Það ástand sem hér er engum einum að kenna. Það er mikil einföldum og heimska að halda það. Það eru margir samverkandi þættir sem hjálpuðust að við að koma Íslandi í þá stöðu sem við erum í. Það hafa verið gerð mistök víða.

Í því ástandi sem hér ríkir hafa menn verið ansi duglegir við að benda á skyndilausnir við vandanum sem við stöndum farmi fyrir. Þjóðinni er jafnvel farinn að trúa því að ef við förum að ráðum þessara manna falli hér allt í ljúfa löð. Í þessu sambandi hefur nafn Davíðs Oddssonar komið oft upp, og margir vilja hann að hans haus fái fyrstur að fjúka. Menn hafa jafnvel ekki vílað fyrir sér að ráðast að honum persónulega. Menn reyna að persónugera vandan í honum. Menn ættu kannski að horfa til þess að hann var einna af þeim sem benti á að hér væri of hratt farið. Hann reyndi árið 2004 að koma á lögum sem komu í veg fyrir að fjölmiðlafyrirtækin söfnuðust á fárra hendur. Hvað var þá sagt? Þá sögðu menn að sjálfstæðisflokkurinn færi fram með offorsi og einræðistilburðum. Hvað hefðu menn sagt ef lagt hefði verið fram svipað frumvarp til að koma hömlum á bankana? Nákvæmlega það sama. Menn hefðu verið úthrópaðir fyrir að ráðast að  einstökum mönnum og fyrirtækjum þeirra.

Og þó svo að Davíð Oddson sé vissulega öflugur maður, þá er hann hvorki þess megnugur að koma af stað þeirri heimskreppu sem nú ríkir, og kom íslensku bönkunum í þrot, né er hann svo öflugur að hann einn hefði getað komið í veg fyrir að hún hefði áhrif á okkur. Það er enginn einstaklingur svo öflugur að geta.Vandamálið er að stórum hluta alþjóðlegt og til þess verða menn að horfa áður en þeir ráðast að ákveðnum mönnum og kenna þeim um hvernig komið er fyrir okkur.

Evrópusambandið er eitthvað sem menn, sem ég taldi vera málsmetandi, hafa reynt að benda þjóðinni á sem einhverja töfralausn sem komi til með að kippa hér öllu í liðni, sömu menn segja einnig  að værum við inní ESB hefði þetta aldrei gerst. Þetta finnst mér vera mikil einföldun á staðreyndum. Í fyrsta lagi bitnar fjármálakreppan líka á ríkjum sem eru í ESB,. Það eru öll ríki heimsins að berjast við hana, ESB er þar ekki undanskilið. Þar að auki verða menn að lýta til þess að við erum ekki í nokkurri stöðu til þess að sækja um aðild eins og staðan er í dag. Fyrst þurfum við að komast út úr þeim vandamálum sem við er að etja, og þá fyrst getum við farið að ræða það að sækja um aðild, og vega galla þess ekki síður en kosti. Sumir virðast gleyma því að ESB aðild fylgja einnig þó nokkrir gallar. Allt þetta þarf að ræða í góðu tíma og rúmi, og það er ekki til staðar eins og er.

Það sér það hver maður að það breytir engu um stöðu mála í dag, þó að Davíð Oddsson fari úr seðlabankanum, Geir Haarde boði til kosninga, eða við göngum í ESB. Ég tel mun skynsamlegra fyrir okkur að bíða með allar nornaveiðar og skyndilausnir þar til í höfn er komið.  

Vilja hefja aðildarviðræður

Kannski kominn tími til...

... að óska lesendum þessara síðu gleðilegs sumars. Kannski svolítið seint....

kveðja úr "sumarblíðunni" á Reyðarfirði

Einnig finnst mér rétt að benda á mjög góða grein sem Gunnar birti á bloggi sínu í gær um jafnréttisáætlun Fjarðabyggðar. Hvet alla til að lesa hana.

Rétt viðbrögð lögreglu

Mér finnst að viðbrögð lögreglu í dag hafa verið hárrétt. Það má ekki líðast lengur að fámennur hópur atvinnubílstjóra leggi líf annarra borgara í hættu til að vekja athygli á málstað sínum. Nú í dag var einfaldlega komið nóg, og því voru viðbrögð lögreglu rétt. Það er í þeirra verkahring að halda uppi lögum og reglum í landinu, og hvað sem hver segir þá var þessi fámenni hópur bílstjóra að brjóta lögin, og við því var að bregðast.

Ég fylgdist með þessu í dag á RÚV, og heyrði viðtöl við nokkra einstaklinga. Þar var bílstjórum heitt í hamsi, og töldu gróflega á sér brotið. Í þeirra augum er það greinilega þannig að beita má hvaða aðferðum sem er til að koma málstað sínum á framfæri. Þeir telja greinlega að þeim eigi að leyfast allt til þess að vekja á sér athygli. Í mínum huga er það skýrt að það þýðir lítið að haga sér eins og asni og koma svo skælandi fram þegar búið er að skamma mann

Þessar aðgerðir vörubílstjóra hafa fyrir löngu misst marks, en samt sem áður telja þeir sig hafa allan almenning að baki sér. Ég tel svo ekki vera, þeir hafa fyrir margt löngu hrakið burt frá sér marga sína stuðningsmenn með framferði sínu. Enda hefur það komið fram í í fjölmiðlum (að ég held á rás 2) að þetta eru ekki almennir vörubílstjórar sem þarna eru að mótmæla, heldur eru þarna í forsvari eigendur verktakafyrirtækja.

Það er sjálfsagður réttur manna að mótmæla, en menn varða að gera það með þeim aðferðum sem falla að lögum og reglum nútíma samfélögum.

„Alltof harkalegar aðgerðir“

ASNI!!

Páfagaukurinn minn sækir um að taka stöðu  Riise í liðinu....... Eru svipaðir leikmenn, heilalausir og taka yfirleitt rangar ákvarðanir. Það eru þó sennilega meiri líkur á að gaukurinn taki rétta....

Hann er pottþétt mun betri en þessi h******s norðmaður....

Afsakið orðbragðið. Hef sjaldan orðið eins reiður á ævinni!

Riise skoraði sjálfsmark og tryggði Chelsea jafntefli

Fjandinn.....

Spörning hvort maður sé kominn í áhættuhóp eftir liðna helgi........ ??

Drykkja flýtir fyrir Alzheimer

Loksins loksins

Undanfarna daga hefur verið unnið að því að fjarlæga stóra sementstanka sem stóðu niðri við höfnina hérna á Reyðarfirði. Þessar tankar hafa staðið þarna frá árinu 2003 (að ég held) og hafa ekki beint verið fögur sjón. Þótti bæjarstjórn á þeim tíma, ástæða til að planta þeim þarna, í miðjum bænum, þar sem margir höfðu séð fyrir sér blómlegan miðbæ, sem hugsanlega hefði verið hægt að byrja að kom upp vísi að á þessum tíma.

Ég var einn af þeim sem andmælti því að þessi ferlíki væru sett þarna niður, enda taldi ég og tel raunar enn að iðnaðarsvæði eigi ekki vera í bænum miðjum, heldur eigir að reyna að finna önnur svæði undir slíkt, og er nú af nógu að taka.  En ekki þýddi víst að andmæla, enda var maður þá á móti framförum, nöldrari sem átti ekki að vera skipti sér af því sem manni kom ekki við. Enda yrðu þessir tankar og sú starfsemi sem þeim fylgdi í alla staði mjög snyrtileg, tja gott ef að við gætum ekki bara eftir nokkur ár orðið jafn stolt af tönkunum og íbúar Lundúna af Big Ben.

Og ekki mátti tala um að láta fyrirtæki það sem þarna var með starfsemi ganga vel um, enda var það nú þannig að alls ekki mátti gera kröfur það að fyrirtæki gengju vel um, því að þá var stórhætta á því að þau færu eitthvað annað. Hugsunarhátturinn var semsagt sá að maður átti bara að vera sáttur við það að menn kæmu hingað með bisness, en ekkert að vera mjamta kjafti og lyfta rassi yfir sóðalegir umgengi eða öðru slíku. Það gæti þýtt að fyrirtækju myndu flýja staðinn og láta það orð berast að hér væri algerlega óverandi. Rökrétt ekki satt........

En nú eru semsagt tankarnir farnir, og koma vonandi ekki aftur..... og sennilega nóg komið af nöldri...

Árshátíð Grunnskóla Reyðarfjarða

Í gærkvöldi skellti ég mér á árshátíð Grunnskóla Reyðarfjarðar. Þetta er árleg skemmtun grunnskólans þar sem nemendur í 1-7 bekk koma fram og skemmta áhorfendum. Og ég held að ég ljúgi ekki þegar ég segi að þetta sé alltaf einhver best sótta skemmtun hérna í bænum, enda mjög skemmtileg. Og það var sko enginn undantekning í gær. Krakkarnir stóðu sig eins og hetjur og gat ég ekki betur heyrt e að allir þeir sem mættu hafi skemmt sér hið besta.

Það er ákaflega gaman að horfa á krakkana leika, enda eru þau búin að leggja á sig mikla vinnu fyrir þetta, semja og æfa alla vikuna. Það sést líka einkar vel hversu gaman þau hafa af þessu, leikgleðin skín úr hverju andlit. Ekki er nú mjög mörg ár síðan maður stóð í þessum sömu sporum sjálfur, og alltaf var þetta jafn skemmtilegt.

Fannst sérstaklega gaman að sjá leikritið sem 6. bekkur setti upp í gær. Það hét "Fólkið í blokkinni" og fjallaði um íbúa í blokk einni, sem voru jafn ólíkir og þeir voru margir. Það lenti svo á húsverðinum að taka við öllum þeim kvörtunum sem bárust og halda öllum góðum. Mér fannst þetta leikrit alveg hreint yndislegt, mikill húmor en samt góður boðskapur. Ekki skemmdi fyrir að það var mjög vel leikið og greinilegt að þarna voru efnilegir leikarar á ferð. Tók ég sérstaklega eftir tveimur Almar Blær, sem lék húsvörðinn og Magnús Magnússon sem lék gamlan mann að nafni Bolli. Þessir tveir voru alveg frábærir í sínum hlutverkum, skiluðu sínu mjög vel, voru skýrmæltir og manni leið eins og þeir hafi bara verið á svið í mörg mörg ár.

En takk krakkar í grunnskólanum fyrir mjög góða skemmtun...

 

Mikið var það nú gott...

...enda er það ekki í verkahring stjórnvalda að ala upp börn. Foreldrar eiga að vera fullfærir um það sjálf að fræða börn sín um munin hollan og óhollan mat, og það er að lokum alltaf ákvörðun foreldranna hvort þessi matur er á borðum. Það er ekki eðlilegt að velta ákvörðunum um slíkt yfir á ríkisvaldið. Ég myndi telja það hættulegt skref að stíga að ætla að fara að banna auglýsingar á hinu og þessu í tíma og ótíma. Hvert yrði þá næsta skref? Að það yrði einfaldlega bannað að selja börnum yngri en 18 ára óhollan mat? Nei takk segi ég. Það yrði óheillavænleg þróun. Ritskoðun á ekki að eiga sér stað í nútímaþjóðfélögum, hvergi, mér finnst það óábyrgt af þingmönnum að leggja slíkt til.

Beitir sér ekki fyrir auglýsingabanni í tengslum við barnatíma