Svei mér þá...

.... Það er greinilegt að það hefur virkað vel að skora á Gunnar að ræða við sína menn í gær. Allavega brast á með rjómablíðu í dag, sólskin og hiti ekki amalegt það. Það er greinlegt að hann hefur lært eitthvað í skólanum.

Takk fyrir þetta Gunnar, vonandi hefur þú tryggt svona veður áfram

Hvernig er það....

...... á ekkert að fara að koma vor eða?? Það er kominn miður apríl en samt heldur en þá áfram að snjóa. Gærdagurinn búin að vera fínn, sól og ágætis veður, og maður jafnvel komin með á tilfinninguna að vorið sé barasta komið, en nei, maður vaknar á mánudegi og það er eins og að það sé aftur komin janúar.Snjór og skíta kuldi.... Spurning hvort að SUMIR ættu ekki að reyna að nýta sér tengsl við himnaföðurinn og reyna að laga þetta eitthvað til......

Mér finnst það hreinlega ekki spurning....

Hálka og skafrenningur á Hellisheiði

Er þetta ekki fullmikið....

Góðan dag

Maður er farinn að blogga svo oft að það lýtur sennilega þannig út að maður hafi ekkert betra að gera...

Reyndar er það nú svo að ég er einmitt þessa stundina atvinnulaus og er að leita mér að einhverju að gera og gengur það svona upp og ofan. Það er orðið hálf tilbreytingarlaust að hanga bara heima hjá sér allan daginn og hafa ekkert að gera, nema kjafta við sjálfan sig (ekki það að ég er náttúrlega svakalega skemmtilegur). Það að vera atvinnulaus er eitthvað sem að ég hef ekki upplifað áður, þetta er voðalega furðuleg tilfinning, en við skulum vona að úr rættist fljótlega.

Er svo að stefna á að setjast aftur á skólabekk í haust. Er að hugsa um að skella mér í Háskólann á Akureyri og fara að læra að verða kennari. Það er nám sem hefur heillað mig, allt frá því að ég vann á leikskólanum Lyngholti fyrir um ári síðan, og er ég nú að hugsa um að láta af því verða að fara og prófa að mennta mig í þessum fræðum. Ég hugsa reyndar að grunnskólakennarafræði verði fyrir valinu enda tel ég það henta mér betur. Ekki það að tími minn á leikskólanum var alveg yndislegur og ég er hreinlega ekki viss hvort það var ég sem lærði meira á honum eða börnin sem ég var með.  Ég hef reyndar aldrei haft eins léleg laun og þetta ár sem ég vann þarna, en það var sama mér fannst þetta samt mjög gaman, og hefði alls ekki vilja sleppa þessu. Ég er enn í dag að hitta börn sem ég vann með, sem heils mér og spjalla. Ekki amalegt....

En allavega ef þið hafið eitthvað fyrir mig að gera þá endilega hafið samband.....

 

 

Aldrei spurning...

Auðvitað kláruðum við Arsenal í þessum leik, aldrei spurning.... Missti reyndar af leiknum, þar sem ég sat á héraðsdómaranámskeiði hjá KSÍ, en hoppaði hæð mína þegar ég heyrði úrslitin (það er reyndar ekki mjög hátt). Arsenal menn eru reyndar eitthvað væla yfir þessu, heimtandi vítaspyrnu hér og þar, en eru ekki búnir að átta sig á því að það þýðir voð lítið að væla um svona eftir á. Það sem gildir er bara spila eins og menn, en ekki vera vælandi og skælandi úti í horni . Allavega við erum enn og aftur komnir í undanúrslit og nú er bara að vinna Chel$ki þar og klára málið!!

 

 Eins og kom fram áðan þá sat ég á námskeiði í kvöld hjá Gylfa Orrasyni dómara. Þetta námskiði veitti mér héraðsdómararéttindi í knattspyrnu og er ég bara ánægður með það og nú er stefnan bara á það að dæma enn fleiri leiki á næsta ári enn því síðasta. Því að þó að ég hafi í raun farið á unglingadómaranámskeið í fyrra með hálfum hug og hélt að þetta væri ekkert fyrir mig, þá komst ég að því s.l sumar að þetta er bara rosalega skemmtilegt starf og krefjandi, og það er ekki laust við að maður ákveðið "kick'' út úr því að dæma leiki, sérstaklega þar sem hiti er í mönnum og þeir láta vel í sér heyra. En það ætti allavega að vera hægt að sjá mig á vellinum í sumar, í svarta búningnum að veifa gulum og rauðum spjöldum eða flaggi!

 

Liverpool og Chelsea sigruðu og mætast í undanúrslitum

Formaður eða Forkona - Skiptir það virkilega máli....

Ég var svo heppinn að fá að sitja ansi merkilegan bæjarstjórnarfund um daginn, n.t.t var það 37. fundur bæjarstjórnar og var hann haldin þann 6 mars s.l. Á þessum fundi var svosem ekki mikið sem lá fyrir en þó var eitt mál á sem vakti meiri áhuga hjá mér en önnur, en það var seinni umræða um jafnréttisáætlun Fjarðabyggðar. Við fyrsta lestur leit jafnréttisáætlunin bara vel út, ekki var bara talað um jafnrétti milli karla og kvenna, heldur líka nýbúa, barna o.s.frv. og er það vel. Guðmundur Þorgrímsson oddviti B-listans  ákvað þó að sveipa merki framsóknar bleiku þennan dag og lagði í því skini fram eftirfarandi tillögu:   

“Undir yfirskriftinni Fjarðabyggð sem vinnuveitandi, vinnur að jafnri stöðu kynja innan stofnana og fyrirtækja Fjarðabyggðar.Fyrsta aðgerð orðist svo:

 Lögð verði áhersla á að störf flokkist ekki í kvenna- og karlastörf. Atvinnuauglýsingar skulu vera kynhlutlausar. Starfsheiti geta eftir atvikum verið hvort heldur karlkyns eða kvenkyns og birtast þannig í skipuriti bæjarins.

GreinargerðÍ ljósi þeirra áherslu sem lögð er á jafnrétti kynjanna þykir eðlilegt að starfaheiti hjá Fjarðabyggð geti borið með sér hvort kona eða karl gegnir starfinu ef þess er óskað. Þannig birtist heitin sem bæjarstjóri/bæjarstýra – félagsmálastjóri/félagsmálastýra – forstöðumaður/forstöðukona stjórnsýslu o.s.frv.”

Þarna seig nú brúnin á mér lítið eitt og ég spurði mig í huganum hvort að virkilega væri ekkert þarfara í jafnréttisbaráttunni en það að karpa um það hvort starfsheiti ákveðinna embætta sé karlkyns eða kvenkyns, fullkomið jafnrétti hlyti þá, í augum þessara manna, að vera ef þessi embætti myndu bera hvorukynsnöfn. Og þess utan eru ekki nema um 3 mánuðir síðan að nýtt stjórnskipulag var innleitt í Fjarðabyggð og þá heyrðist ekki bofs í meirihlutanum um þessar að þessara breytinga væri svo brýn þörf að ekkert mætti kom í veg fyrir þær.

Það er svo kannski rétt að geta þess að á fundinum fóru fram líflegar umræður um málið, og sem oftar var það bæjarstjórinn okkar ágæti, Helga Jónsdóttir, sem hélt uppi vörnum fyrir meirihlutann. Þó virtust hún og Guðmundur ekki vera alveg sammála um það hvort hún hefði farið fram á þetta eður ei, fyrst mátti skilja Guðmund þannig að svo væri, en þegar að bæjarstjórinn var búin að koma upp og þverneita því breytist hljóðið í Guðmundi lítið eitt.

Nú má alls ekki miskilja mig, ég styð að sjálfsögðu allt jafnrétti og styð allt það sem verður til þess að jafna hlut kvenna og karla, þetta er bara mál sem mér finnst vera svo dæmalaust fáránlegt að það nær ekki nokkurri átt. Því miður enda  eru þau ansi mörg embættin sem bera karlkyns heiti og  mönnum ekki dottið í hug að breyta þeim, þrátt fyrir að kona gegni embættinu, mætti þar nefna að Inger L. Jónsdóttir er ennþá, að ég best veit, sýslumaður á Eskifirði, en ekki sýslukona. Og í raun merkilegt að formaður íþrótta,-menningar-, og ferðamálanefndar, sem er framsóknarkona skuli enn vera titluð formaður en ekki forkona, eða á maður að segja forkvinna.....Nei, ég held að það séu mun stærri mál en þetta í jafnréttisbaráttunni sem þessi nýja rauðsokkuhreyfing í Fjarðabyggð  ætti að reyna að beita sér fyrir....

Já sæll......

Ég held að ég sé búin að finna það út að ég sé barasta alls enginn bloggari.... í mesta lagi svona skorpubloggari. En hef samt hugsað mér að gera eina tilraun enn, og gá hvað gerist. Ætla svosem ekki að lofa neinum rosalegum skrifum, en vonandi eitthvað. Efast reyndar um að nokkur maður sé að kíkja á þessa síðu lengur, en þeim fjölgar kannski eitthvað með tímanum

Af bæjarmálum

Það var óskaplega einkennilegt að fylgjst með umræðum um fundargerð menningarnefndar Fjarðabyggðar sem fram fór á bæjarstjórnarfundi þann 1.11. sl.  Þar var aðalega rætt um einn lið fundargerðarinnar þar sem fjallað var um styk sem Guðmundur R. Gíslasson sótti um. Undirriataður setti sig upp á móti því að Guðmundur fengi styrkinn, en meirihluti nefndarinar (Fjarðalisti og Framsókn) voru með. Því miður er bókun fundarins þannig að þar stenduur orðrétt ,, Þórður Vilberg er mótfallinn styrkveitingum til tónleikahalds,,. Þetta er ekki alskostar rétt, heldur sagði ég að ég væri mótfallinn styrkveitingu til tónleika af þessu tagi og það skal ég útskýra síðar í þessari grein.

Á þessum umtalaða bæjarstjórnarfundi komu allri fulltrúar meirihlutans í Fjarðabyggð í pontu og gerðu mikið úr þessum orðum mínum og vil ég þess vegna leiðrétta þetta. Þetta var ekki það sem ég sagði, og alls ekki það sem ég vil. Að sjálfsögðu vil ég að tónlist eigi jafna mögueleika á styrkúthlutunum eins og hver önnur listgrein

Ástæðurnar sem ég setti fyrir mig þegar ég ákvað að vera á móti þessari styrkveitingu var einföld; Ég tel að það sé ekki í verkahring mennigarráðs að styðja tónlistarmenn, með penningalegum styrk til þess að standa straum af  útgáfu og kynningu  á efni sem fer á  almennan markaði í gróðrarskyni.  Svo einfalt er það, og hvað sem líður öllum samsærikenningum Jóns Björns Hákonarssonar um það að ég og mín flokkssystkyn séum í þessu vegna einhverrar persónulegrar óvildar í garð Guðmundar R., þá er þetta mín afstaða. Ég er ekki vanur því að láta aðra gera mér upp skoðannir og biðst því hér með undan því að formaður menningarráðs, Jón Björn, eða aðrir meirihlutamenn séu að því!

Annars var svolítið merkilegt að fylgjast með þessum fundi, ég held að ég hafi aldrei séð alla bæjarfulltrúa meirihlutans áður koma og leggja orð í belg, og sjaldan séð jafn líflegar umræður fara fram í ræðustól bæjarstjórnar. Mig langar að hrekja hérna nokkur atriði sem komu fram í máli meirihlutans

1.       Talað var um að þetta væri alls ekki í fyrsta skipti sem að tónleikar væru stykrtir. Það er vissulega rétt, en í þeim tilfellum sem ég finn í fundargerðum menningarráðs, aftur til ársins 2005, er þar um að ræða tónleika sem haldnir eru af frumkvæði einstaklinga í bænum sem safna saman nokkrum tónlistar mönnum allstaðar að af landinu og koma þeir fram einu sinni. Þessi tónleikar eru aldrei í framhaldi af útgáfu geilsdisks og hvað þá eru tónleikarnir hugsaði sem kynning á ný útkomnum disk eins og þessir tónleikar Guðmundar voru

2.       Guðmundur R. á sama rétt og aðrir á að sækja um styrk. Guð minn almáttugur mér dettur akkúrat ekkert annað í hug  og ég hvet hann til þess að sækja um aftur seinna.

3.       Hvar ber mat á það hvort að menn eru frægir listamenn eða ekki? Þetta er náttúrulaga barnalega spurning, Guðmundur R. var forsöngvari í frægri hljómsveit á 10 áratug sl. aldar. Þegar plata hans hefur verið kynnt hefur ekki verið farið í neinar felur með það. Platan hans var nokkuð mikið spiluð á rás 2 auk þess að hann kom fram með hana í sjónvarpi og blöðum. Guðmundur er í útgáfu til þess að reyna að græða á henni, og ég gæti vel trúað að hann geri það, án þess að ég fullyrði nokkuð um það. Og þar kemur að það er enginn ástæða til að Fjarðabyggð láti af hendi opinbert fé til þess að styrkja þessa útgáfu eða annað sem henni tengist, frekar en aðrar slíkar. Eða hvað yrði sagt ef að Eyþór Arnalds fengi styrk frá Árborg til þess að fylgja á eftir nýjustu plötu sinni. Ég er hræddur um að þá myndi heyrast hljóð úr horni! 

 

Ég hef einnig í þessu öllu saman velt fyrir mér hvers vegna öðum þeim sem sóttu um styrki til tónleika halds og útgáfu hafi verið hafnað í vor þegar styrkúthlutanir voru veittar? Þetta er spurnig sem menningarráð þyrfti að svara. Nú veit ég að fulltrúar meirihlutans hugsa enn og aftur og segja kannski upphátt ,, hann bað um styrk til tónleika halds ekki útgáfu´´. Þess vegna er kannski ágætt að benda þeim á þessi tónleikaferð var sérstaklega farin til að kynna hinni nýútkomnu plötu, fylgja henni eftir og væntanlega auka sölu hennar. A.m.k ef eitthvað er að marka orð Guðmundar R.

Knattspyrnusumarið

Jæja þá er knattspyrnusumrinu lokið. Þetta er búið að vera skemmtilegt tímabil og ekki var það verra að Frömurum tókst að halda sér í úrvalsdeildinni, og er ég bara mjög sáttur með það.

En það er ekki Framliðið sem ég ætla að beina sjónum mínum að núna, heldur Fjarðabyggð(KFF). Ég hef undanfarin ár fylgst náið með mínum mönnum og hef verið mjög sáttur við gengið á þeim bænum. Ég hef mætt á flesta heimaleiki liðsins í sumar og allmarga útuleiki. Auðvitað hefur maður verið missáttur með hvernig liðið hefur spilað, en í heildinna séð er ég ánægður. Við stjórnvölin situr einn færasti þjálfari á landinu, Þorvaldur Örlygsson. Ég held þessu hiklaust fram, enda hefur hann sýnt þetta og sannað, með árángri sínum hjá KFF og KA. Þegar Þorvaldur kom austur var KFF miðlungs 2.deildar lið. Honum tókst að koma liðinu upp í 1. deild í fyrra, og í ár endaði liðið í 5 sæti 1. deildar og var í toppbaráttu í deildinni framan af. Þetta er frábær árángur og ekkert til að skammast sín fyrir. Vonandi heldur Þorvaldur áfram hjá okkur einhver ár í viðbót

 

Lið KFF er byggt upp að miklu leyti á heimamönnum, strákum sem eru aldir upp í Þrótt Nes., Austra og Val. Liðið hefur vakið athygli fyrir öflugan varnarleik, og ekki er verra að fyrir aftan vörnina stendur markvörðurinn Rajko, sem hefur sýnt það og sannað að hann er einn af sterkari markvörðum 1. deildarinnar. Vörninni er stjórnað af fyrirliða liðsins Hauki Ingvari Sigurbergssyni, og við hlið hans stendur Andri Hjörvar Albertsson, og saman mynda mjög öflugt miðvarðar par sem stendur flestum snúning á góðum degi.

Miðjan er einnig öflug og er þar sennilega helst að nefna Jóhann Inga Jóhannsson (Reyðfirðing :D) og Jón Gunnar Eysteinsson. Þeir eru báðir sterkir og öflugir leikmenn, og oftar enn ekki fór mikið spil KFF í gengum Jón Gunnar og að ógleymdum Halldóri Hermanni.  Það sem mér finnst kannski vanta svolítið á miðjuna hjá okkar eru öflugir og snöggir kantmenn. Það væri óneitanlega gott að hafa svoleiðis menn og vonandi tekst okkur að fá einhverja slika fyrir næsta tímabil.

Þá erum við sennilega komin að veikasta hlekk liðsins en það er sóknarleikurinn. Það er nokkuð ljóst að fyrir næsta tímabil verður á fá mann í framlínuna sem getur skorað 10 mörk á tímabili a.m.k. Það gekk oft á tíðum illa að koma boltanum í netið í sumar, ullu sóknarmenn liðsins nokkrum vonbrigðum að mínu mati. Því miður. Þó skal nefna að Andi Valur Ívarsson stóð sig oft á tíðum vel, en betur má ef duga skal. Ég læt hérna fylgja lítin dóm um framistöðu nokkura leikmanna í sumar

Rajko: 8. Stóð sig eins og yfirleitt bara mjög vel, og bjargði liðinu oft á tíðum.

Haukur Sigurbergsson: 8 Traustur í vörninni að vanda

Andri Hjörvar: 8. Þessi drengur er ótrúlegur, átti kannski ekki eins gott tímabil og í fyrra, en var samt einn af bestu mönnum liðisin

Andri Bergmann: 7 Átti þokklega leiktíð og skoraði nokkur mörk.

Andri Þór Magnússon: 6. Andri náði sér ekki strik þetta tímabil, en það er mikið í hann spunnið og hann getur vel gert betur en þetta

Andri Valur Ívarsson: 7,5 kom sem lánsmaður frá Val Rvk. átti marga góðaleik, þar sme hann barðist eins og ljón og var allstaðar. Þó komu leikir inná milli þar sem hann sást lítið. Vonandi sér maður hann í KFF búning næsta sumar

Guðmundur Atli: 5. Olli allnokkrum vonbrigðum. Spilaði vel á undirbúningstímabilinu, en náði engan vegin að fylgja því eftir þegar útí alvöruna kom. Virtist oft ekki vera með hugan við verkefnið

Halldór Hermann: 8.Dóri er alltaf traustur og það varð enginn breyting á því núna. Mikil barátta og gefst aldrei upp

Ingi Steinn: 7. Ingi kom á óvart í sumar. Ég skal alveg viðurkenna að taldi hann ekki vera leikmann sem myndi meika það í 1. Deild. En hann kom á óvart, og kom oft  inná og átti bara marga hörkuleiki

Ingi Þór: 7 Lánsmaður frá HK, ágætur leikmaður og kom oft inná í leikjum sumarsins og gerði það bara nokkuð vel. Hugsa að það væri bara fínt að hafa hann fyrir austan næsta sumar

Jóhann Ingi: 8,5. Átti mjög gott tímabil. Öflugur á miðjunni og braut oftar en ekki sóknir andstæðingana á bak aftur. Setti auk þess nokkur mikilvæg mörk. Kom til greina sem leikmaður ársins

Jón Gunnar: 8,5. Kom heim aftur eftir nokkur ár hjá KA. Hörku leikmaður, sem sýndi svo oft í sumar hveru mikið er í hann spunnið. Kom til greina hjá mér sem leikmaður ársins

Stefán Þór: 7,5. Byrjaði ekkert alltof vel, en undir lok tímabilsins kom hann sterkur inn og átti þá nokkra góða leiki. Vantar kannski meiri stöðugleika í sinn leik

Jóhann Benediktsson: 8. Baráttuhundur sem gefst aldrei upp. Drengurinn er kominn í fantaform og hann átti í heildina bara mjög gott sumar

Örn Kató: 8. Kom inn í liðið undir lokinn og steig  varla feilspor í þeim leikjum sem hann spilaði, leikmaður sem ætti að gefa mikið fyrir að fá austur næsta sumar

William Geir, Gísli Már, Jens Elvar, Ingvar Rafn spiluðu full lítið þannig að ég treysti mér til að dæma um frammistöðu þeirra.

Maður mótsins að mínu mati: Jón Gunnar Eysteinsson

Bókamarkaður

Á föstudaginn fórum við Gunnar Ragnar á bókamarkað Eddu-útgáfu. Við stoppuðum ekki lengi við, en samt tókst mér að kaupa einar 7 bækur, og borgaði ekki nema 5000 kr. fyrir það. Á örugglega eftir að fara aftur þarna inn og versla.

Meðal bókanna sem ég keypti var Eldhuginn eftir Ragnar Arnalds. Þar er sagt frá merkilegri tilraun skipstjórans Jörgen Jörgensen til þess að ræna völdum á Íslandi og losa okkur undan oki Dana. Jörgensen, sem við kannski þekkjum betur sem Jörund Hundadagakonung, var hugsjónamaður mikil en hefur sennilega verið nokkrum áratugum á undan sinni samtíð, enda stóð veldi hans stutt og Íslendingar gáfu ekki mikið fyrir veldi hans. Þetta þótti frekar kannski bara skemmtileg tilbreyting í frekar tilbreytingarsnauðu lífi Íslendinga. Ég hef alltaf haft gaman af þessari sögu, og man sérstaklega þegar ég sá sjónvarpsleikrit sem sýnt var í Ríkissjónvarpinu jólin 1994. Ég tók það upp og horfði svo á það aftur og aftur. Merkileg saga sem ekki má gleymast. En ég mæli allavega hiklaust með þessari bók Ragnars

Meðal annara bók sem ég keypti var ævisaga Steingríms Hermanssonar, það verður spennadi að kynna sér hana. Svo að sjálfsögðu Nokkrir góðir dagar án Guðnýjar eftir Davíð Oddsson. Ég á fyrir og hef lesið bókina hans Stolið frá höfundi stafrófsins og fannst hún virkilega góð, og það sem að ég hef lesið að þessari lofar svo sannarlega góðu. Báðar eru bækurnar safn smásagna, og sýnir Davíð svo ekki er um villst að hann var ekki bara bráðsnjall pólitíkus heldur einnig afbragðs góður penni. Sögurnar eru fullar af leiftrandi húmor, og eru mjög skemmtilegar.

 

Ætli Smári hafi tekið fyrstu ferð...?????

Það er rétt að óska Fjarðabyggðarbúum til hamingju með þess rennibraut.Eflaust verður miklu betra að fara í sund á Norðfirði eftir þetta. SÚN (Samvinnufélag útgerðarmanna, Norðfirði) gefur rennibrautina, en ekki hefur fengist uppgefið hver borgar uppsetninguna, en það er kannski aukaatriði. En ég fór svona að velta fyrir mér hvernig dagskráinn hafi verið;

• Smári Geirsson hefur klippt á borðan og rennt sér fyrstu ferð, og Helga bæjarstjóri þar á eftir+
• Gummi Gísla, forseti bæjarstjórnar hefur að sjálfsögðu tekið nokkur vel valin lög af nýju plötunni sem heitir hinu hógværa nafni ,, Íslensk tónlist´´
• Og að sjálfsögðu hefur Gummi rifjað upp gamla takta og sungið ,, Til hamingju Fjarðabygg með að Fjarðalistinn er hér´´
• Og um leið sagt að hann hefi enginn tengsl við Samfylkinguna frekar en aðrir á listanum
  

• Síðan hefur verið gefið frítt í sund, og kaka og kaffi

Þetta er svona mín hugmynd um hvernig þetta hefur verið, en allavega til hamingju Fjarðabyggð með nýja rennibraut. 

Nýjar vatnsrennibrautir vígðar á Neskaupsstað