Þórður Vilberg Guðmundsson

9.1.2009 | 18:32

Léleg afsökun...

"Borgaraleg óhlýðni er að brjóta lög eða óskráðar reglur samfélagsins á skipulegan hátt" sagði Eva Hauksdóttir aðgerðarsinni á borgarafundi í Iðnó gær, þar sem hún reyndi að klóra yfir og afsaka fáránlegar aðgerðar aðgerðasinna undanfarna daga. Þetta er afskaplega léleg afsökun

Þessi fámenni hópur fólks hefur undanfarið stundað það að ráðast að fólki, eyðileggja hluti, eyðileggja sjónvarpsútsendingar, koma í veg fyrir að menn komi skoðunum sínum á framfæri ofl. Og það sem meira er þau segja að þau séu að gera þetta fyrir þjóðina. fyrirgefið, missti ég af einhverju. Hvenær voru þau kosinn til að gera eitthvað í nafni þjóðarinnar? Ég man a.m.k ekki eftir því.

Þar að auki eru þau dugleg við að koma fram í frétta tímum vælandi og skælandi eftir að lögreglan hefur séð sig knúna til að skipta sér af aðgerðunum. Lögreglan hefur hingað til sýnt mikla þolinmæði gagnvart mótmælendum og leyft þeim að ganga ansi langt í aðgerðum sínum. Þó hefur hún nokkrum sinnum beitt vægasta valdbeitingartæki lögreglunar þegar of langt hefur verið gengið. Ég ætla að leyfa mér að fullyrða að í öllum öðrum löndum í kringum okkur hefði lögregla verið búin að ganga mun lengra en hér hefur verið gert. Reynið að ímynda ykkur hver viðbrögð Breskra yfirvalda yrðu ef reynt yrði að ráðast inná Hótel, inní sjónvarpsútsendingu, með höggum, spörkum og sprengjum. Þar yrði beitt einhverju öðru en piparúða.

	Stoltir glæpamenn og fjölskyldualbúm lögreglunnar
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Ert þú fastur í tölvinnu og trúir öllu sem fjölmiðlar í eigu auðmanna stjórna ? Mér sýnist að þú sért í engum takti við það sem er að ske í mótmælum á landinu. Þar af leiðandi ertu ekki í neinum takti við ástandið í þjóðfélaginu. Þeir mótmælendur sem hafa farið yfir strikið er hægt að telja á fingrum einnar handar. Þú stimplar svo alla í sama far sem er eitthvað mesta þroskaleysi sem til er í mannlegum samskiptum.

Öll þín skrif benda til þess að þú sért mun ofbeldishneigðari en allir þeir mótmælendur sem hér á landi eru. Gangi þér vel að bæta þig.

Hér kemur fræg setning frá einum frægasta og friðsamasta mótmælanda mannkynnsögunnar. Vonandi hjálpar hún þér því hún virðist eiga vel við þína vankanta.

"Menn skulu frekar bregðast við af hörku, telji þeir ástæðu til þess. En að bera við friðsemd til að breiða yfir getuleysi" ( Gandhi )

Þröstur Heiðar Þráinsson (IP-tala skráð) 10.1.2009 kl. 00:42

Hún Eva er alveg búin að skíta uppá hnakka, en nei allt sem hún gerir er fyrir íslensku þjóðina, HA?

Hún má bara fara að teipa fyrir slysið sem hún kallar andlitið á sér, komin með nóg.

guð! ætli hún reyni núna að leggja á mig álög kerlingar fíflið ????

Jóhanna (IP-tala skráð) 10.1.2009 kl. 01:23

Flott færsla Doddi. Hér með staðfestist að þú ert í takt við meirihluta þjóðarinnar. Þröstur áttu þessi orð Gandhis til á ensku? Mér finnst þessi setning hljóma hálf undarlega og hef grun um að þýðingin sé eitthvað broguð. Gandhi var friðarins maður og hefur væntanlega verið að kvetja til öflugra mótmæla, verkfalla eða sambærilegs en alls ekki ofbeldis. Þarna á Indlandi var sko enginn piparúði, heldur byssustingir. Ekki þurfum við að fara alla leið til Indlands til að finna setningar við hæfi. Hér er ein íslensk sem nú á vel við: "Með lögum skal land byggja en ólögum eyða."

Hallgrímur Halldórsson (IP-tala skráð) 10.1.2009 kl. 01:27

Ég þakka góðar óskir í minn garða Þröstur...

Það er vissulega rétt að það hafa farið fram mótmæli sem eru algerlega til fyrirmyndar. T.a.m fundirnir sem haldnir hafa verið á Austurvell.

Hinsvegar hefur undanfarið farið mikið fyrir svokölluðum aðgerðarsinnum, sem virðast svífast einskis til að koma málstað sínum á framfæri. Líkamsmeiðingar og eyðilegging á hlutum annarra eru á meðal athafna sem þessum hóp finnst í lagi að meiða. Og meðan þeir sem skipuleggja friðsamleg mótmæli, s.b. Hörður Torfa, eru þeir á vissan hátt að taka undir með þessu fólki...

Þórður Vilberg Guðmundsson, 10.1.2009 kl. 01:48